Ny satsingsgruppe i Stord Golfklubb!

Stord GK har allereie ei junior elite-gruppe, og no utvidar me satsinga med eit nytt tilbod for dei litt eldre spelarane som ønskjer å bli verkeleg gode i golf.

Me startar opp ei ny, eksklusiv treningsgruppe for dei mest ambisiøse spelarane våre.

Dette er for deg som har lyst til å utvikle deg, trene målretta og konkurrere på høgare nivå, både regionalt og nasjonalt.

Gruppa vil vere liten og dedikert, og Lucas Krüger vil vere med som både spelar og trenar. Han vil leie fellesøkter og bidra med rettleiing og inspirasjon frå eigne erfaringar. Samtidig vil han sjølv vere ein aktiv del av gruppa.

Gruppa skal trene saman, konkurrere saman, både som lag og mot kvarandre, for å skape eit sterkt og utviklande treningsmiljø.

Er dette noko for deg? Fyll ut skjemaet i lenka under. Blir du ikkje tatt med i første runde, fortvil ikkje, det vil kome fleire moglegheiter seinare.

Søk her!